Բարի ավանդույթի համաձայն` «Անալիտիկոն» ամսագիրը տարին մեկ անգամ արտատպում է JAMnews առցանց հրատարակության նյութերի մի փունջ` իր ընթերցողներին հնարավորություն տալով տարածաշրջանին ու աշխարհին հայացք ձգել JAMnews-ի աչքերով։ Որպես կանոն, ընտրում ենք տարածաշրջանի բոլոր պետական կազմավորումների (ճանաչված, մասամբ ճանաչված և չճանաչված), տարածաշրջանային տերությունների կարևոր անցուդարձի մասին նյութեր, ինչպես նաև` աշխարհում տեղի ունեցող կարևոր իրադարձությունների մասին հրապարակումներ։ 2015-ին ստեղծված JAMnews-ն իր կարևոր և ուրույն տեղն է գրավել Հարավային Կովկասի մեդիաշուկայում։ Այս մեդիառեսուրսն առաջինն է փորձել ստեղծել ոչ թե մի երկրի, այլ ողջ տարածաշրջանի լսարանին հասցեագրված լրագրողական ռեսուրս։
JAMnews-ն ունի խաղի իր կանոնները։
Հրապարակումների մեջ տեղ գտած տերմինները, տեղանունները, մտքերը և գաղափարները պարտադիր չէ, որ համընկնեն JAMnews-ի կամ նրա առանձին աշխատակիցների կարծիքների և գաղափարների հետ: JAMnews-ն իրավունք է վերապահում հեռացնել հրապարակումների վերաբերյալ արված այն մեկնաբանությունները, որոնք կգնահատվեն որպես վիրավորական, սպառնալիք պարունակող, բռնություն հրահրող կամ այլ պատճառներով էթիկապես անընդունելի:
JAMnews-ն իր նյութերը հրապարակում է վրացերեն, հայերեն, ադրբեջաներեն, ռուսերեն և անգլերեն։
«Անալիտիկոնի» ընթերցողներին բարի ժամանց ենք մաղթում։
«Անալիտիկոն»
