Միացյալ Նահանգների նախագահ Բարաք Օբաման 1915թ.-ի դեպքերին առնչվող ամենամյա հայտարարության մեջ կրկնել է անցյալ տարվա ձեւակերպումը` «Մեծ եղեռն», գրում է The Armenian Weekly-ն՝ Սպիտակ տան տարածած հաղորդագրությանը հղումով:
Օբաման դարձյալ խուսափել է «ցեղասպանություն» եզրույթն օգտագործելուց:
«Այսօր մենք ոգեկոչում ենք Մեծ եղեռնի զոհերի հիշատակը եւ հարգանքի տուրք մատուցում բոլոր նրանց, ովքեր դարձան 20-րդ դարի ամենասարսափելի ոճրագործություններից մեկի զոհը: Մենք հիշում ենք 99 տարի առաջ տեղի ունեցած սարսափը, երբ 1.5 մլն հայեր սպանվեցին Օսմանյան կայսրության տարիներին: Մենք սգում ենք այդ տղամարդկանց, կանանց եւ երեխաների կորսված կյանքերի համար»,-ասել է Օբաման:
Նա նշել է, որ դա իրենց հիշեցնում է պարտավորությունը՝ թույլ չտալ մարդկության պատմության նմ
«Ես մշտապես հայտնել եմ իմ անձնական տեսակետը 1915թ-ին տեղի ունեցածի վերաբերյալ, եւ իմ դիրքորոշումը չի փոխվել. փաստերի ամբողջական, անկեղծ ու արդարացի ճանաչումը մեր բոլորի շահերից է բխում: Անցյալի ցավալի էջերին առերեսվելը եւ դրանք ճանաչելը ժողովուրդներին եւ պետությունները դարձնում են ավելի հզոր, քանի որ առերեսումն ու ճանաչումը հիմք է ստեղծում ավելի արդար եւ հանդուրժող ապագա կառուցելու համար: Մենք այս դասը քաղել ենք Միացյալ Նահանգների պատմությունից, քանի որ մենք էլ ձգտում ենք հաշտվել մեր պատմության մութ էջերին»,- ասել է նա:ան մութ էջերի կրկնություն:
Օբաման նշել է, որ գնահատում են այն հայերին եւ թուրքերին, որոնք գնում են այդ ճանապարհով, եւ նրանց խրախուսում են անել դա՝ իրենց կառավարությունների եւ ԱՄՆ-ի աջակցությամբ:
«Մենք հպարտությամբ ենք հիշում Սիրիական եւ Հայկական օգնության ֆոնդերը, որ հիմնադրվել են ամերիկյան նվիրատվությունների շնորհիվ եւ որոնք 1915թ.-ին փրկել են հայերի եւ այլ համայնքների անթիվ կյանքեր:
Մենք հարգում ենք այն հայերի հիշատակը, որոնց կյանքը խլվեց 1915թ.-ին, մենք ներշնչված ենք նման հսկայական տառապանքի հանդեպ հայ ժողովրդի արտասովոր քաջությամբ եւ դիմացկունությամբ»,-ասել է Օբաման:
ԱՄՆ նախագահը ողջունել է բազմաթիվ ամերիկայահայերի ներդրումներն ամերիկյան հասարակության եւ մշակույթի մեջ:
Նա նշել է, որ իրենց պարտավորությունն է աջակցել հայ ժողովրդին՝ ժողովրդավար, խաղաղ եւ բարգավաճ ապագա կառուցելու ճանապարհին:
«Մեր մտքերն ու աղոթքները համայն հայության հետ են այսօր, երբ մենք վերհիշում ենք Մեծ եղեռնի սարսափները, հարգանքի տուրք մատուցում զոհերի հիշատակին եւ վերահաստատում մեր հարատեւ հավատարմությունը հայ ժողովրդին եւ սկզբունքներին, որ այսօրինակ վայրագությունները պետք է մշտապես հիշվեն, եթե մենք ցանկանում ենք հետագայում խուսափել դրանցից»,- եզրափակել է Օբաման:
Նշենք, որ Բարաք Օբաման սենատոր եղած ժամանակ (2005-2008թթ) Օսմանյան Թուրքիայի կողմից 1915-1923թթ. հայերի նկատմամբ իրականացված եղեռնագործությունը մի քանի անգամ որակել էր որպես «ցեղասպանություն» եւ այդ ժամանակվա նախագահ Ջորջ Բուշին կոչ արել պաշտոնապես ճանաչել այն: 2008թ-ի նախընտրական քարոզարշավի ժամանակ էլ խոստացել էր, թե նախագահ դառնալու դեպքում պաշտոնապես ճանաչելու է Հայոց ցեղասպանությունը: Սակայն յուրաքանչյուր տարի նա ապրիլի 24-ի կապակցությամբ հանդես է գալիս հիշատակի ուղերձով, որում «ցեղասպանություն» եզրույթի փոխարեն օգտագործում է «Մեծ եղեռն» բառը:
www.tert.am/am/news/2014/04/24/obama-yeghern
