Аналитикон
  • Գլխավոր
  • Արխիվ
    • Արխիվ(2009-2011)
  • Հետադարձ կապ
  • Մեր մասին
  • Հրապարակումներ
    • Խմբագրական
    • Հոդվածներ
    • Արտատպություն
  • Խմբագրի ընտրանի
  • Armenian
Արդյունք չի գտնվել
Դիտել բոլոր արդյունքները
Аналитикон
  • Գլխավոր
  • Արխիվ
    • Արխիվ(2009-2011)
  • Հետադարձ կապ
  • Մեր մասին
  • Հրապարակումներ
    • Խմբագրական
    • Հոդվածներ
    • Արտատպություն
  • Խմբագրի ընտրանի
  • Armenian
Արդյունք չի գտնվել
Դիտել բոլոր արդյունքները
Аналитикон
Արդյունք չի գտնվել
Դիտել բոլոր արդյունքները

Թուրքիան Ղազախստանը ներգրավում է Մոսկվայի հետ համատեղ «միջանցքներին» ու գորշ սխեմաներին

hayk
July 2022
Թուրքիան Ղազախստանը ներգրավում է Մոսկվայի հետ համատեղ «միջանցքներին» ու գորշ սխեմաներին

Լուսանկարի աղբյուրը՝ Lragir.am

Բաքվում Թուրքիայի, Ղազախստանի և «Ադրբեջանի» արտաքին գործերի և տրանսպորտի նախարարների հանդիպումներից հետո թուրք նախարար Չավուշօղլուն խոսել է տրանսպորտային միջանցքների կարևորության մասին։ Նա մասնավորապես խոսել է Կասպից ծովով և Բաքու-Թբիլիսի-Կարս երկաթուղով բեռնափոխադրումների մասին, հիշատակելով նաեւ այսպես կոչված «Զանգեզուրի միջանցքը», որի բացումը պետք է արագացվի։

Չավուշօղլուն այս համատեքստում կրկին հայտարարել է, որ Թուրքիան չի միանալու Արևմուտքի հակառուսական պատժամիջոցներին, այդ դիրքորոշումը բացատրելով ՌԴ հետ տնտեսական սերտ կապերով և Ուկրաինայի հարցում միջնորդական դերով։ Նա ասել է, որ Ռուսաստանի հետ գոնե կապի մեկ ալիք պետք է մնա, և այդ կապն ապահովում է Թուրքիան։

Չավուշօղլուի բացատրություններն իհարկե կիսատ են։ Թուրքիան իսկապես մնում է Ռուսաստանի համար միակ և վստահելի գործընկեր, միևնույն ժամանակ, այդ կապը չի սահմանափակվում լեգալ հարաբերություններով։ Խնդիրն այն է, որ Թուրքիան ստանձնում է պատժամիջոցները շրջանցելու հարցում Ռուսաստանի գլխավոր «հաբի» դերը՝ սկսած կենցաղային տեխնիկայից, ուկրաինական գողացված ցորենից, վերջացրած նավթի ու գազի, ինչպես նաև ռազմական տեխնոլոգիաների գորշ սխեմաներով։ Այս համատեքստում, Չավուշօղլուի հիշատակած միջանցքները ծառայելու են այդ հարցին, միաժամանակ փակելով բոլոր այլընտրանքային ուղիները։

Թուրքիան մտադիր է ներգրավել Ղազախստանին ու Վրաստանին։ Վրաստանը նույնպես հայտարարել է, որ չի միանալու հակառուսական պատժամիջոցներին, միևնույն ժամանակ, միջազգային մամուլում տեղեկություններ են հրապարակվում, որ Թբիլիսին աջակցում է Մոսկվային պատժամիջոցները շրջանցելու հարցում։ Օրերս սկանդալային հրապարակումներ եղան, որ ռուսական նավթով բեռնված տանկերը Բաթումի նավահանգստում վերաձևակերպվում է որպես ղազախական, հետագայում վաճառելու նպատակով։

Ղազախստանի համար ռուս-թուրքական սխեմաներում առանցքային դեր է հատկացված, որպես հումքային հարուստ երկիր։ Սանկտ Պետերբուրգի տնտեսական ֆորումի ժամանակ Ղազախստանի նախագահ Տոկաևի դեմարշը, ով Պուտինի ներկայությամբ հայտարարել էր, թե Աստանան պահելու է պատժամիջոցները և չի ճանաչելու Դոնբասը, շատ փորձագետներ գնահատել են որպես բեմադրություն՝ նախատեսված գորշ սխեմաներում Աստանայի «ալիբին» պահելու նպատակով։

Օրերս հայտնի դարձավ, որ Ռուսաստանն արգելել է ղազախական նավթի տարանցումը Նովոռոսիսյկ նավահանգստով, պատճառաբանելով, թե երկրորդ աշխարհամարտի ժամանակներից ականներ են հայտնաբերվել։ Ղազախներին առաջարկվել էր նավթը տեղափոխել ռուսական Տրանսնեֆտի խողովակներով։ Այստեղ է հենց գորշ սխեմաների էությունը՝ երբ արտահանվող նավթը տարբեր երկրներից նավթի խառնուրդ է, տվյալ դեպքում այն չի համարվում ռուսական։

Եվրոպան ռուսական նավթի ու գազի ամենամեծ սպառողն է, և ասիական շուկաները չեն կարող փոխարինել այդ ծավալները։ Գազի հարցում նույնպես առկա են պայմանավորվածություններ Բաքվի հետ, որի գազի ծավալները չեն բավականացնում լցնելու Թուրքիայի տարածքով անցնող գազատարը։ Թուրքմենստանում նախատեսված կասպիական երկրների համաժողովի ժամանակ ըստ ամենայնի քննարկվելու է նաև ռուսական գազն այդ խողովակաշարով որպես «ադրբեջանական» կամ թուրքմենական տեղափոխելու հարցը։

Ռուսաստանի դեմ պատժամիջոցների հաջողությունը ներկայում պայմանավորված է Թուրքիայի հետ նրա գորշ սխեմաների չեզոքացմամբ։ Ղազախստանին ու Վրաստանին ներգրավելով, ինչպես նաեւ գործարկելով 3+3 ձևաչափն ու իրագործելով Հայաստանի հարավի արագ օտարումը, Ռուսաստանն ամրացնում է իր դիրքերը Արևմուտքի դեմ դիմակայությունում։

Lragir.am

 

Թեգեր ԱրտատպությունՀուլիս առաջին թողարկում

Նմանատիպ  նյութեր

Դատական համակարգի՝ ժողովրդավարական բարեփոխումների գլխավոր երաշխավորի մասին

Պատժամիջոցները՝ ԱՄՆ ֆիննախի ուշադրության կենտրոնում. Հայաստանի անհրաժեշտ քայլերի մասին

July 2022

Փետրվարի 24-ից հետո ազատ աշխարհն ու նրա առաջնորդ ԱՄՆ-ն, ռուսաստանյան ագրեսիան զսպելու և դրան դիմակայելու նպատակով, եկան կոնսենսուսային որոշման՝ Մոսկվայի...

Կարդալ ավելին
Ռուսաստանի նկատմամբ պատժամիջոցները և դրանց շրջանցման հնարավոր հետևանքները

Ռուսաստանի նկատմամբ պատժամիջոցները և դրանց շրջանցման հնարավոր հետևանքները

July 2022

Ջուլիետա ԹԱԴԵՎՈՍՅԱՆ Վերջերս (ս.թ. հունիսի 28-ին) Ֆինանսական հանցագործությունների դեմ պայքարի ցանցը (FinCEN) և ԱՄՆ Առևտրի դեպարտամենտի Արդյունաբերության և անվտանգության բյուրոն...

Կարդալ ավելին
Հայաստանը «դեղին քարտ» ստացավ, իսկ Ռուսաստանին հումանիտար աղետ է սպառնում

Հայաստանը «դեղին քարտ» ստացավ, իսկ Ռուսաստանին հումանիտար աղետ է սպառնում

July 2022

Երկրների ցանկը, որոնց թվում է Հայաստանը, փոքր է, բայց շատ հզոր։ Դրանք այն երկրներն են, որոնք Ուկրաինայում պատերազմի հետ կապված...

Կարդալ ավելին
Փաշինյան-Ալիև հանդիպումը Բրյուսելում․ արդյո՞ք եվրոպական հարթակն այլընտրանք կդառնա

Ռուսաստանի պատճառով Հայաստանն ու Վրաստանը պատժամիջոցների տակ կհայտնվե՞ն. կարծիքներ

July 2022

Հայաստանն ու Վրաստանը հայտնվել են այն երկրների ցանկում, որոնց միջոցով պատժամիջոցների տակ գտնվող ապրանքները կարող են հասնել Ռուսաստան և Բելառուս։ ԱՄՆ ֆինանսների նախարարության Ֆինանսական հանցագործությունների...

Կարդալ ավելին

Մեր մասին

Հանդես` մտածող և ոչ անտարբեր մարդկանց համար

Պարբերականներ

  • 2024-ին ընդառաջ. Արցախն առանց հայերի, խաղաղության ու իրավունքների վերականգնման հույսեր
  • Հայաստանի Հանրապետության եռամիասնական գերխնդիրը 2024 թվականին
  • Հայաստանն ու Ադրբեջանը 2024 թ. նախաշեմին. խաղաղությու՞ն, թե՞ նոր պատերազմ

Հետադարձ կապ

+374-479-42693

[email protected]

© All rights reserved 2022 | The Analyticon.

  • Գլխավոր
  • Արխիվ
    • Արխիվ(2009-2011)
  • Հետադարձ կապ
  • Մեր մասին
  • Հրապարակումներ
    • Խմբագրական
    • Հոդվածներ
    • Արտատպություն
  • Խմբագրի ընտրանի
  • Armenian

© All rights reserved 2022 | The Analyticon.